शुक्रबार, असार २० गते २०८२    
शुक्रबार, असार २० २०८२
images
images

आँप बिक्रीबाट वार्षिक आठ लाख बचत

images
शुक्रबार, असार २० २०८२
images
images
आँप बिक्रीबाट वार्षिक आठ लाख बचत

हाल आँपको सिजन चलिरहेको छ। मडै दाजुभाइको बगैँचामा विभिन्न थरीका आँप लटरम्म फलेका छन्। अचेल आँप किन्न बगैँचामै धाउनेहरूको भीड लाग्ने गरेको छ।

images
images

कैलाली- कैलालीको गोदावरी नगरपालिका-१० मालाखेती खमौराका इन्द्रबहादुर सिंह मडै, लोकबहादुर मडै र मानबहादुर मडैले संयुक्त साझेदारीमा गेटामा रहेको आँप बगैँचा भाडामा लिएर व्यवसाय गर्दै आएका छन्।

images
images

इन्द्रबहादुरले यहाँ आपको बगैँचा भाडामा लिएर काम गर्दै आएको ११ वर्ष भयो। यसअघि उनले मालाखेतीको खमौरामा घण्टेश्वर मन्दिरको जग्गामा रहेको आँप बगैँचा यसैगरी भाडामा लिएर व्यवसाय गर्दै आएका थिए।

images
images

हावाहुरीका कारण यहाँको बगैँचामा क्षति पुगेपछि आफ्नै गाउँले दाजुभाइ मानबहादुर र लोकबहादुरलाई साथमा लिएर उनले गोदावरी-५ गेटा स्थित एक स्थानीयको आँप बगैँचा भाडामा लिइ पुनः व्यवसाय सुरु गरेका हुन्। पाँच बिघा जमिनमा फैलिएको आँप बगैँचाको एक ‘सिजन’मा पाँच लाख रूपैयाँ तिर्नुपर्छ।

images
images
images

हाल आँपको सिजन चलिरहेको छ। मडै दाजुभाइको बगैँचामा विभिन्न थरीका आँप लटरम्म फलेका छन्। अचेल आँप किन्न बगैँचामै धाउनेहरूको भीड लाग्ने गरेको छ।

'हामीले यहाँ फल्ने आपमा कुनै विषादी र औषधि प्रयोग गरेका छैनौँ। विषादीरहित भएकाले पनि बगैँचामै आँप खोज्दै आउने ग्राहकको सङ्ख्या बढ्दो छ', व्यवसायी इन्द्रबहादुरले भने, 'आँप बिक्री गर्नका लागि बजार धाउनु परेको छैन। ग्राहकले बगैँचाबाटै छानीछानी आँप लग्नुहुन्छ।'

आँप लिनका लागि कैलालीको धनगढी, अत्तरिया क्याप्पसरोड, लम्की र कञ्चनपुरको गुलरिया, महेन्द्रनगर, दैजीलगायत स्थानबाट ग्राहकहरू आउने गरेका अर्का व्यवसायी मानबहादुर मडैले जानकारी दिए। यो सिजनमा हालसम्म पाँच लाख रूपैयाँबराबरको आँप बिक्री गरिसकेको उनले बताए।

'बगैँचामा अझै आधाभन्दा बढी आँप बाँकी नै छ। कोही अलि ढिलो पाक्ने जात पनि छन्। अझै १० लाख रूपैयाँबराबरको आँप बाँकी होला', मानबहादुरले भने।

सिजनमा कामदारको ज्यालालगायत सबै खर्च कटाएर आठ लाख रूपैयाँसम्म बचत हुने गरेको इन्द्रबहादुरले जानकारी दिए। हाल दैनिक ३५ हजारदेखि ४५ हजार रूपैयाँसम्म कारोबार हुने गरेको उनको भनाइ छ। यहाँ फुटकर ८० र होलसेल ६० रूपैयाँमा आँप बिक्री हुने गरेको छ। रासस


प्रकाशित : शुक्रबार, असार २० २०८२१७:२५

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend