काठमाडौं-फलफूल तथा तरकारी बजार विकास समितिले आजका लागि विभिन्न सागसब्जी र फलफूलको थोक मूल्य निर्धारण गरेको छ। समितिका अनुसार आजको अधिकतम थोक मूल्यअनुसार ठूलो नेपाली गोलभेँडा प्रतिकिलो ८० रुपैयाँ, सानो लोकल गोलभेँडा २८ रुपैयाँ, टनेल उत्पादन सानो गोलभेँडा ४३ रुपैयाँमा कारोबार भएको छ।

आलु रातो (भारतीय) प्रतिकिलो ४० रुपैयाँ, मुडे आलु ३८ रुपैयाँ र भारतीय प्याज ५० रुपैयाँ कायम गरिएको छ। गाजर (लोकल) को मूल्य ८० रुपैयाँ, बन्दा (लोकल) ३५ रुपैयाँ, स्थानीय काउली ७० रुपैयाँ र तराई काउली ५० रुपैयाँ निर्धारण गरिएको छ।

रातो मूला ४० रुपैयाँ, हाइब्रिड सेतो मूला २५ रुपैयाँ, लाम्चो भन्टा ३० रुपैयाँ, डल्लो भन्टा ४० रुपैयाँ, तने बोडी ४० रुपैयाँ र मकै बोडी ७० रुपैयाँ प्रतिकिलो मूल्य तोकिएको छ।

यसैगरी, मटरकोसा १८० रुपैयाँ, घिउ सिमी (लोकल) ५०, हाइब्रिड ४० र राजमा सिमी ११० रुपैयाँमा कारोबार भइरहेको छ। टाटे सिमी ८०, भटमास कोसा १२०, तीतो करेला, लौका, चिचिण्डो, फर्सी, भिण्डी, परबरजस्ता तरकारीको मूल्य ३५ देखि ५५ रुपैयाँसम्म रहेको छ।

सखरखण्ड ८०, पिँडालु ७०, स्कूस ५०, रायोसाग ८०, पालुङ्गो साग १६०, तोरी साग १२०, हरियो प्याज १६० र कन्य च्याउ १८० रुपैयाँ प्रतिकिलोमा बिक्री भइरहेको छ। डल्ले च्याउ ३५०, कुरिलो ३०० र निगुरो १२० रुपैयाँ तोकिएको छ।

ब्रोकाउली, चुकुन्दर, ग्याठकोभी लगायतका हरियो सागपातको मूल्य ७० देखि १६० रुपैयाँसम्म छ। पार्सले प्रतिकिलो एक हजार रुपैयाँ पुगेको छ भने तोफु १२० र गुन्द्रुक ३५० रुपैयाँमा कारोबार भइरहेको छ।

फलफूलतर्फ, स्याउ (झोले) २५०, फुजी स्याउ ३३०, केरा दर्जनको १४५, कागती १५०, अनार ३५० र आँप (माल्द) १०० रुपैयाँ तोकिएको छ। अङ्गुर २५०, मौसम २००, जुनार २५०, नास्पाती २६० र भारतीय मेवा १०० रुपैयाँ प्रतिकिलोमा बिक्री भइरहेको छ।

अदुवा ११०, सुकेको खुर्सानी ३८०, हरियो खुर्सानी ३० देखि ६०, अकबरे खुर्सानी ३५० र भेडे खुर्सानी १२० रुपैयाँ तोकिएको छ। लसुन (नेपाली) १७०, (चाइनिज) २०० रुपैयाँमा तथा छ्यापी, माछा र च्याउको विभिन्न प्रकार पनि २४० देखि ९०० रुपैयाँ प्रतिकिलोसम्ममा निर्धारण गरिएको छ।

बजार समितिले यी दरलाई अधिकतम थोक मूल्यका रूपमा निर्धारण गरेको र वास्तविक खुद्रा मूल्यमा केही अन्तर हुन सक्ने जनाएको छ। रासस