 (2).gif)
काठमाडौं- बैंकिङ कसुर मुद्दाका फरार एक प्रतिवादी पक्राउ परेका छन्।
काठमाडौं कागेश्वरी मनहरा नगरपालिका-७ काँडाघारी बस्ने सिन्धुपाल्चोक चौतारा साँगाचोकगढी नगरपालिका-१० घर भएका ३९ वर्षीय दिपक कार्कीलाई सोमबार प्रहरीले पक्राउ गरेको हो।
उच्च अदालत पाटन ललितपुरको २०७६ फागुन १८ गतेको फैसलाले बैंकिङ कसुर मुद्दामा ७ दिन कैद तथा ३० लाख रुपैयाँ जरिवाना ठहर भई फरार रहेका उनलाई महानगरीय अपराध महाशाखाबाट खटिएको प्रहरीले काठमाडौं काडाँघारीबाट पक्राउ गरेको हो।
बैंकिङ कसुर तथा सजाय ऐन, २०६४ बमोजिम सजाय सुनाइएका उनलाई फैसला कार्यान्वयनका लागि जिल्ला अदालत काठमाडौं पेश गरिएको महाशाखाले जनाएको छ।
