.jpg)
.jpg)
.gif)
.gif)
धनुषा- धनुषामा दुई दिवसीय आँप मेला साेमबार सम्पन्न भएको छ। यहाँको बटेश्वर गाउँपालिका-१ चित्रपुरमा स्थानीय आँपको प्रबर्द्धन, बजारीकरण तथा पर्यटन विकास गर्ने उद्देश्यले ‘चित्रपुर आँप मेला महोत्सव-२०८२’ आयोजना गरिएको थियो।
दुई दिनमा करिब २० हजारभन्दा बढी मानिसले अवलोकन गरेको र १० लाख रुपैयाँभन्दा बढी कारोबार भएको चित्रपुर म्यांगाे एग्रो टुरिज्म बोर्डका संयोजक प्रदीप महतोले जानकारी दिए। ‘मधेसको मिठास, चित्रपुरको आँप’ भन्ने नारासहित आयोजित मेलामा ४० भन्दाबढी जातका आँपहरू तथा आँपबाट बनेका विभिन्न परिकार प्रदर्शन गरिएका थिए।
.gif)
महोत्सवमा विद्यालयका विद्यार्थीका लागि विभिन्न जातका आँप चिनाउने, आँपसँग सम्बन्धित ज्ञानमूलक कार्यक्रम, कृषिविज्ञसँग अन्तरक्रिया तथा सांस्कृतिक प्रस्तुतीसमेत गएिका थिए। यसअघि मेलाको उद्घाटन मधेस प्रदेशका सभामुख रामचन्द्र मण्डलले गरेका थिए।
.gif)
.jpg)
मेलामा विभिन्न थरिका आँप, अचार, अमोट, आमिल, जुस प्रदर्शनसँगै बिक्री वितरणसमेत गरिएको बोर्डका सदस्य फुलगेन महतो मगहीले जानकारी दिए। तीन सय विघाहभन्दा बढी क्षेत्रफलमा फैलिएको चित्रपुर आँप बगैँचामा गत वर्षदेखि किसान मिलेर आँपको प्रबर्द्धनसँगै बजारीकरणका लागि मेला आयोजना गर्दै आएका छन्। रासस
