.gif)
.gif)
काठमाडौं- समग्र नेप्से परिसूचक ५३ अकं बढ्दा सबैभन्दा धेरै कमाउनेमा न्यादी हाइड्रोपावर कम्पनीका लगानीकर्ता रहेका छन्। साताको तेस्रो कारोबार दिन मंगलबार कारोबारमा आएका २२४ कम्पनीमध्ये न्यादीको सेयर मूल्यमा सर्किट लागेको हो।
35(1).gif)
कम्पनीको सेयर मूल्य अघिल्लो कारोबार दिनको तुलनामा १० प्रतिशत वृद्धि भएसँगै सकारात्मक सर्किट लागेको थियो। कम्पनीको सेयर मूल्य प्रतिकित्ता ४८९.५० रुपैयाँमा कारोबार भएको छ।
कम्पनीको सेयरमा मंगलबार ४४.५० रुपैयाँले बढेको हो। कम्पनीको मंगलबार ११ हजार ३२८ कित्ता सेयर कारोबार भएको थियो। पछिल्लो ५२ हप्तामा कम्पनीको सेयर मूल्य अधिकतम ५४५ रुपैयाँसम्म पुगेको थियो भने न्यूनतम २८२ रुपैयाँमा कारोबार भएको थियो। कम्पनीको बजार पुँजीकरण ७ अर्ब ३४ करोड रुपैयाँ पुगेको छ भने कम्पनीको चुक्ता पुँजी १ अर्ब ५० करोड रुपैयाँ रहेको छ।
कम्पनीले गएको असोज १५ गतेदेखि १९ गतेसम्म सर्वसाधारणका लागि २२ करोड ५० लाख रुपैयाँ बराबरको २२ लाख ५० हजार कित्ता आईपीओ निष्कासन गरेको थियो।
