काठमाडौं- नेपाल नागरिक उड्डयन प्राधिकरण विमानस्थल कार्यालयले आन्तरिक हवाई यात्रा गर्ने यात्रुले डिजिट वा प्रिन्ट जुन सुकै टिकट बोक्दा पनि यात्रा गर्न पाउने जनाएको छ।
मंगलबार बिहानै देखि विमानस्थल प्रवेश गर्ने ठाउँमा रहेको नेपाल प्रहरीका सुरक्षा कर्मीहरुले यात्रुसँग डिजिटल टिकट नहुने भन्दै प्रिन्ट कपी मागेको थियो।
उक्त विषयमा सर्वत्र विरोध भएपछि कार्यालयले डिजिटल तथा प्रिन्ट जुनसुकै टिकट भएपनि हुने तर सबै विवरण भने खुल्ने पर्ने भन्दै सूचना जारी गरेको हो।
साथै विमानस्थल कार्यालयले पिएनआर नम्बर मात्रै लिएर भने विमानस्थल प्रवेश गर्न नपाउने जनाएको छ। यात्रुले डिजिटल तथा प्रिन्ट जुन सुकै कपी भएपनि एक बोक्नु पर्ने जनाएको छ।
