काठमाडौं- बुध्द एयरले मार्च १ देखि जनकपुरधाम र धनगढीबाट पोखराको सिधा उडान भर्ने भएको छ। सुरुवाती चरणमा साताको ३ दिन र त्यसपछि यात्रुको माग अनुसार दैनिक उडान भर्ने योजना रहेको एयरलाइन्सले जनाएको छ।
जनकपुरधाम र पोखरा साताको ३ दिन सोमबार, बिहीबार र शनिबार र त्यसैगरि धनगढीबाट पोखरा आईतबार, बुधबार र शुक्रबारको उडान तालिका बुध्द एयरले मंगलबार प्रकाशित गरेको हो।
सिधा उडानबाट अनावश्यक झन्झटको साथै यात्रुहरुको समय पनि बचत हुनेछ। यी दुई गन्तव्यको लागि बुध्द एयरको भगिनी संस्था बुध्द होलिडेजले आकर्षक प्याकेज पनि ल्याउन लागेको छ।
