काठमाडौं- निजी हवाई सेवा प्रदायक कम्पनी गुण एयरलाइन्सले असोज १ गतेबाट आन्तरिक उडान गर्ने भएको छ। सिम्रिक एयरलाइन्सको नाम परिवर्तन भएको गुण एयरलाइन्सले आन्तरिक उडान सुरु गर्न लागेको हो।
.png)
एयरलाइन्सले दुई वटा बिचक्राफ्ट र यतीसँग खरिद गरेको ५ वटा जेट स्ट्रीम जहाजमार्फत उडान सुरु गर्न लागेको हो।एयरलाइन्सले टिकट बुकिङसमेत सुरु गरेको एयरलाइन्सका प्रवक्ता एवम् बजार तथा बिक्री प्रमुख प्रज्वल थापाले बताए।
सुरुवातमा काठमाडौंबाट पोखरा, भरतपुर (चितवन) को उडान सुरु हुने उनले जानकारी दिए। केही समयपछि भने सिमरा, भैरहवा, तुम्लिङटार जनकपुर, नेपालगन्ज, सुर्खेत र विराटनगरमा उडान गर्ने उनले बताए।
