काठमाडौं- आईएमई ग्रुपद्वारा सञ्चालित आईएमई डिजिटल सोलुसन लिमिटेडद्वारा प्रवर्धित ‘आईएमई पे’ र एभरेष्ट बैंक लिमिटेडबीच बैंक लिंक गर्न मिल्ने सम्झौता भएको छ।

डिजिटल सहजताको निम्ती गरेको यस सम्झौता पश्चात उपभोक्ताले आईएमई पे मोबाईल वालेट एपमा एभरेष्ट बैंकको खाता लिंक गरी बैंकका वित्तीय सुविधा आईएमई पे एपमा प्रयोग गर्न सक्ने छन्।

हालसम्म नेपालको १४ वटा बैंकहरुसँग यस्तै प्रकृतिको सम्झौता गरेको आईएमई पेले यस लिंक-अपका निःशुल्क ट्रान्स्फर तथा शीघ्र ट्रान्स्फर लगायतका फाइदाहरू रहेका छन्।

आईएमई पेमा बैंक लिंक गरे पश्चात उपभोक्ताले आफ्नो सुविधा अनुसार एभरेष्ट बैंकको खातामा आईएमई पे एपबाट निःशुल्क पैसा पठाउन वा सार्न मिल्ने गरि सिस्टमलाई अध्यावधिक गरिएको छ। 

आईएमई पेमा बैंक लिंक गरे पश्चात उपभोक्ताले सिधै आईएमई पेको पिन नं. राखी पैसा पठाउन वा सार्न मिल्ने (बैंक खाताको विवरण नचाहिने) लगायतका सुविधा उपलब्ध हुनेछन्। यसका अतिरिक्त आफ्नो एभरेष्ट बैंकमा रहेको खाताको ब्यालेन्स आईएमई पे एपमा प्रत्यक्ष हेर्न सकिने गरि व्यवस्था मिलाइएको छ।