काठमाडौं- हिमालय एयरलाइन्सले १३ फेब्रुअरी आइतबारदेखि पुन: साउदी उडान सुरु गरेको छ। साउदी सिभिल एभिएसनबाट उडान अनुमति पाउन कठिनाइ भए पछि हिमालय एयलाइन्सले ९ देखि १२ फेब्रुअरी सम्म साउदी अरेबियाको दमाम र रियादका लागि उडानहरू बन्द गरेको थियो।
साउदी सिभिल एभिएसनले उडान अनुमति दिए पछि १३ फेब्रुअरी आइतबारदेखि पुन: उडान सुरु भएको एयरलाइन्सले जनाएको छ।
९ र १० तारिकका दिन विमानस्थल पुगेका यात्रुहरुको टिकटको पूर्ण रकम फिर्ता र आवासको व्यवस्था आवश्यकताका आधारमा उपलब्ध गराउन सहजीकरण समेत गरिएको एयरलाइन्सले जनाएको छ।
यसबाहेक १० फेब्रुअरी पछि यी क्षेत्रहरूका लागि अग्रिम टिकट बुक गरेका यात्रुहरूले पूर्ण रकम फिर्ता र टिकट रिसेड्युलिङ गर्न आफ्ना सम्बन्धित ट्राभल एजेन्सी वा हिमालय एअरलाइन्स्को बिक्री कार्यालयमा सम्पर्क समेत एयरलाइन्सले अनुरोध गरेको थियो।
