काठमाडौं- कोरोना महामारीको प्रभावपछि पर्यटनले गति लिन थालेपछि विदेशी पर्यटनले लय समात्न लागेको छ। पछिल्लो समय विदेशी पर्यटक आगमन बढ्दै गएको छ। 

पर्यटक आगमनसँगै आम्दानी पनि बढ्दै गएको छ। यद्यपि पछिल्लो समय बढेको कोरोनाको ओमिक्रोन भेरियन्टले पर्यटनको वेगमा ब्रेक लागेको छ। 

चालु वर्षको पहिलो छ महिनामा नेपालले पर्यटकबाट १० अर्ब २४ करोड रुपैयाँ बराबरको आम्दानी गरेको छ। यो कोरोना अघिको तुलनामा एक तिहाई मात्र हो। आर्थिक वर्ष २०७६/७७ को पाँच महिनामा नेपालले पर्यटकबाट ३५ अर्ब ५५ करोड रुपैयाँ आम्दानी गरेको थियो। 

विदेशी पर्यटकबाट हुने आम्दानीमा सुधार हुन नसके पनि नेपालीहरुले घुमफिरका लागि विदेशमा गर्ने खर्चको अनुपातमा भने वृद्धि भएको छ। नेपालीहरुले घुमफिरका लागि भन्दै यो वर्षको ६ महिनामा १२ अर्ब रुपैयाँ खर्चिएका छन्।

पुस महिनामा मात्र नेपालीहरुले घुमफिरका लागि भन्दै २ अर्ब विदेश लिएका छन्।  

विदेशी पर्यटकबाट हुने आम्दानी अझै सुस्त हुने देखिन्छ। नेपाल राष्ट्र बैंकले सटहीमा कडाइ गरेपनि नेपालीले घुमफिरका लागि विदेशमा गर्ने खर्चको वृद्धिदर भने बढी रहेको छ।