काठमाडौं- १२ वर्षपछि लाभांश दिने प्रस्ताव गरेसँगै नेशनल हाइड्रोपावर कम्पनीको सेयरमा लगानीकर्ता झुम्मिएका छन्। सोमबार कम्पनीले १९.५ प्रतिशत लाभांश दिने घोषणा गरेको थियो। कम्पनीले १८.५२ प्रतिशत बोनस सेयर दिन भएको हो भने बाँकी ०.९८ प्रतिशत भने कर प्रयोजनका लागि नगद लाभांश दिने गरी प्रस्ताव गरेको छ।
कम्पनीले लाभांश वितरणपछि कायम हुने पुँजीमा ५० प्रतिशत हकप्रद सेयर दिने प्रस्ताव समेत गरेकाले लगानीकर्ताको आकर्षण बढेको हो। सोमबार कम्पनीको सर्वाधिक कारोबार हुने सूचीमा परेको छ।
कम्पनीको ५४ करोड ९१ लाख रुपैयाँ कारोबार भएको छ। कम्पनीको १७.७० रुपैयाँले सेयर मूल्य बढेर अन्तिम करोबार ४३१.७० रुपैयाँमा करोबार भएको छ। कम्पनीको सोमबार १ लाख ७० हजार कित्ता सेयर कारोबार भएको छ।आगामी फागुन ३० गते २५औं वार्षिक साधारणसभा डाकेर लाभांश पारित गर्न साधारणसभा समेत डाकेको छ।
नेशनल हाइड्रोपावरले १८.५२५ प्रतिशत सेयर लाभांश वितरणपछि चुक्ता पुँजी एक अर्ब ६४ करोड १७ लाख ९१ हजार ९४३.५५ रुपैयाँ कायम हुने छ। हाइड्रोपावरले ८२ करोड ८ लाख ९५ हजार ९७१ रुपैयाँ बराबरको हकप्रद जारी गर्ने छ।
