काठमाडौं- नेशनल हाइड्रोपावर कम्पनीले सेयरधनीलाई लाभांश दिने भएको छ। कम्पनीले १९.५ प्रतिशत लाभांश दिन लागेको हो। १२ वर्षपछि दिन लागेको लाभांशमा कम्पनीले १८.५२ प्रतिशत बोनस सेयर दिन भएको हो।
बाँकी ०.९८ प्रतिशत भने कर प्रयोजनका लागि नगद लाभांश दिने गरी प्रस्ताव गरेको हो। लाभांश वितरणपछि कायम हुने पुँजीमा ५० प्रतिशत हकप्रद सेयर दिने पनि प्रस्ताव साधारणसभामा लैजाने भएको छ। आगामी फागुन ३० गते २५औ वार्षिक साधारणसभा डाकेर लाभांश पारित गर्न साधारणसभा समेत डाकेको छ।
नेशनल हाइड्रोपावरले १८.५२५ प्रतिशत सेयर लाभांश वितरणपछि चुक्ता पुँजी एक अर्ब ६४ करोड १७ लाख ९१ हजार ९४३.५५ रुपैयाँ कायम हुने छ। हाइड्रोपावरले ८२ करोड ८ लाख ९५ हजार ९७१ रुपैयाँ बराबरको हकप्रद जारी गर्ने छ।
