.gif)
.gif)
काठमाडौं- प्रधानन्यायाधीश चोलेन्द्र शमशेर जबराविरुद्ध सत्ता गठबन्धनका सांसदहरूले महाअभियोग प्रस्ताव दर्ता गराएका छन्।
प्रस्तावमा प्रधानन्यायाधीश राणालाई कार्यक्षमता नभएको अभियोग लगाइएको छ।
प्रतिनिधिसभा सचिवालयमा दर्ता गरिएको महाअभियोग प्रस्तावको प्रस्तावक नेकपा माओवादी केन्द्रका देवप्रसाद गुरुङ, नेपाली कांग्रेसका डा पुष्पा भुसाल र नेकपा एकीकृत समाजवादीका जीवनराम श्रेष्ठ र समर्थकमा नेपाली कांग्रेसका डा मीनेन्द्र रिजालसहित ९८ सांसद रहेका छन्।
संसदमा महाअभियोग दर्ता भएपछि प्रधानन्यायाधीश राणा स्वत: निलम्बनमा पर्ने व्यवस्था छ।
चोलेन्द्र नेतृत्वको संवैधानिक इजलासको परमादेशमा गठन भएको सरकारमा सहभागी दलकै सांसदले उनीविरुद्ध महाभियोग दर्ता गराएका छन्।
पछिल्लो समय मुख्य सतारुढ घटक नेकपा माओवादी केन्द्रका अध्यक्ष पुष्पकमल दाहालले आफू अनुकूल फैसला गराउन चोलेन्द्रलाई दबाब दिँदै आएका थिए।
