.jpg)
.gif)
.gif)
काठमाडौं- नेपाल पुनर्बीमा कम्पनीले चालु आर्थिक वर्षको पहिलो ६ महिनामा ५३ करोड २६ लाख ९० हजार रुपैयाँ खुद नाफा कमाएको छ। अघिल्लो वर्षको तुलनामा कम्पनीको नाफा ५७ प्रतिशतले बढेको हो।
गत आर्थिक वर्षको सोही अवधिमा कम्पनीले ३३ करोड ७७ लाख रुपैयाँ नाफा कमाएको थियो। प्रिमियम आम्दानीमा आएको उल्लेखनीय वृद्धिका कारण नाफा बढेको कम्पनीले जनाएको छ। कम्पनीको खुद प्रिमियम आम्दानी ३ अर्ब ३ करोड रुपैयाँबाट बढेर ४ अर्ब रुपैयाँ पुगेको छ।
.gif)
हाल कम्पनीको वार्षिक प्रतिसेयर आम्दानी (ईपीएस) ३ रुपैयाँ ९७ पैसा पुगेको छ भने प्रतिसेयर नेटवर्थ १४८ रुपैयाँ ९६ पैसा रहेको छ। बुधबार शेयर बजार बन्द हुँदा कम्पनीको सेयर मूल्य प्रतिकित्ता १ हजार २४७ रुपैयाँ थियो।
.gif)
.jpg)
१३ अर्ब ४२ करोड रुपैयाँ चुक्ता पूँजी रहेको कम्पनीलाई नियामक निकाय बीमा प्राधिकरणले तोकेको न्यूनतम पूँजी २० अर्ब रुपैयाँ पुर्याउनुपर्ने चुनौती अझै बाँकी छ। हाल कम्पनीको सञ्चित आम्दानी ७६ करोड ४२ लाख रुपैयाँ पुगेको छ।
