काठमाडौं- सरकारले बजेटमार्फत कीर्तिपुरस्थित त्रिवि क्रिकेट रंगशाला स्तरोन्नति गर्न ४० करोड रुपैयाँ विनियोजन गरेको जनाएको छ। 

यस्तै अर्थमन्त्री विष्णुप्रसाद पौडेलले आगामी आर्थिक वर्षको बजेट प्रस्तुत गर्दै खेल पूर्वाधारको निर्माण र खेलाडीको व्यवसायिकता विकासका लागि लगानी बढाइने सरकारले घोषणा गरेका छन्। 

निजी क्षेत्रलाई खेल पूर्वाधारमा लगानी गर्न आकर्षित गरिने उनको भनाइ छ। यस्तै दमकमा अन्तराष्ट्रिय रंगशाला बनाइने पनि उनले घोषणा गरेका छन्। 

वीरेन्द्रनगरमा १०औँ राष्ट्रिय खेलकुदका लागि ५४ करोड रुपैयाँ विनियोजन गरिएको जनाइएको छ। खेलाडीलाई दिइएको प्रोत्साहन भत्तालाई निरन्तरता दिइएको छ। 

प्रत्येक प्रदेशका कम्तिमा तीन विद्यालयमा स्पोट्स एकेडेमी बनाइने घोषणासमेत अर्थमन्त्री पौडेलले गरेका छन्।