काठमाडौं- नेपालको सबैभन्दा ठूलो इन्टरनेट सेवाप्रदायक कम्पनी वर्ल्डलिंकले पोलिसी फेलोसिप दिने भएको छ।
कम्पनीले सार्वजनिक नीति निर्माणमा सहयोग पुग्नेगरी दायित्व नेपाल मार्फत यस्तो फेलोसिप दिने भएको हो। तथ्यमा आधारित नीति निर्माण गर्नका लागि सहयोगी हुने अध्ययन अनुसन्धानका लागि कम्पनीले सहयोग गर्ने भएको छ।
यसका लागि कम्पनीले दायित्व नेपालसँग सम्झौता गरेको छ। सम्झौतामा वर्ल्डलिंकका तर्फबाट अध्यक्ष दीलिप अग्रवाल र दायित्व नेपालका अध्यक्ष डा पुकार मल्लले हस्ताक्षर गरेका छन्।
सम्बन्धित सरकारी निकायको समेत सहभागीता हुनेगरी दायित्व नेपाल नीतिगत फेलोसिपका लागि बिहीबार दुई संस्थाबीच सम्झौता भएको हो।
लगानीमा पहुँच, युवा रोजगरी, महिलाको आर्थिक शसक्तिकरण, मुल्य श्रृंखला र शासन सुधार लगायतका विषयवस्तुमा फेलोसिप दिइने छ। यस्तो फेलिसिप दिंदा खुला प्रतिस्पर्धा गरिने छ।
फेलोसिप पाउनेहरुले मन्त्रालयकै अधिकारीहरुको मेन्टरसिपमा काम गर्ने छन्।
