.jpg)
.gif)
.gif)
काठमाडौं- सार्वजनिक संस्थानको कुल सम्पत्ति २.२ प्रतिशतले बढेर आर्थिक वर्ष २०८०/८१ सम्म २९ खर्ब १० अर्ब १७ करोड पुगेको छ।
अर्थमन्त्री विष्णुप्रसाद पौडेलले प्रतिनिधिसभामा संस्थानहरुको समग्र अवस्था, उपलब्धि, सञ्चालनको चुनौती र सुधारका क्षेत्रजस्ता विषयलाई समेटेर 'सार्वजनिक संस्थानको वार्षिक स्थिति समीक्षा २०८२' पेस गरेका हुन्।
.gif)
नेपालमा हाल विभिन्न औद्योगिक, व्यापारिक, सेवा, सामाजिक, जनोपयोगी र वित्तीय क्षेत्रमा गरी ४५ वटा सार्वजनिक संस्थान सञ्चालनमा रहेका छन्। जसमध्ये २० वटा पूर्ण सरकारी स्वामित्वका र २५ वटामा सरकारको अधिकांश स्वामित्व रहेका छन्।
.gif)
.jpg)
सार्वजनिक संस्थानमा नेपाल सरकारको कुल लगानी समीक्षा अवधिसम्ममा ५.८६ प्रतिशतले वृद्धि भइ ७ खर्ब ३ अर्ब ९३ करोड रुपैयाँ पुगेको छ। जसमा सेयर लगानी ३ खर्ब ६४ अर्ब ८६ करोड र ऋण लगानी ३ खर्ब ३९ अर्ब ७ करोड रुपैयाँ रहेको छ।
