काठमाडौं- अर्थमन्त्री जनार्दन शर्माले आधुनिक वित्तीय गतिविधिले पुँजी पलायन बढाइरहेको बताएका छन्।
बजेटको अर्थवार्षिकी समिक्षा गर्दै अर्थमन्त्री शर्माले पछिल्लो समय बढेका क्रिप्टोकरेन्सी, हाइपर फन्ड र डिजिटल नेटवर्किङका कारणले पुँजी पलायन भइरहेको बताएका हुन्।
देशमा विदेशी मुद्राको सञ्चिति घट्दै गइरहेका बेला डिजिटल सम्पत्तिमा लगानी बढ्दा झनै चुनौति थपिएको उनको भनाइ छ।
यसरी बढ्दो पुँजी पलायन रोक्नका लागि सरकारले अध्ययन समिति बनाइरहेको उनले जानकारी दिए।
'क्रिप्टो तथा डिजिटल सम्पत्तिमाथि भइरहेको लगानीलाई नियमित गर्न तथा कडाइ गर्नका लागि सबै संयन्त्रहरु एकसाथ लागिरहेका छन्' उनले भने' हामीले यसमा अध्ययन तथा छलफल गरिरहेका छौं।'