काठमाडौं- सातामा कारोबारको अन्तिम दिन बिहीबार कुनै पनि कम्पनीको सेयर मूल्य सर्किट लागेको छैन। सबैभन्दा बढी सेयर मूल्य बढेको नबिल इक्वीटी फन्डको २.७६ प्रतिशत बढेर ११.१५ रूपैयाँ कायम भएको छ। 

सबैभन्दा धेरै सिन्धु विकास बैंकको २.२० प्रतिशतले सेयर मूल्य बढेर प्रतिकित्ता ४२३.१० रूपैयाँ कायम भएको छ। कुमारी इक्युटी फन्ड २.०७ प्रतिशतले बढ्दा एनएमबी फन्डको २.०६ प्रतिशतले बढेको छ। एसटीसी कम्पनीको सेयर मूल्य २.०६ प्रतिशतले बढेर ६५३५ रूपैयाँमा कारोबार भएको छ। 

नेपाल टेलिकमको सेयर सबैभन्दा बढी कारोबार हुने कम्पनीमा परेको छ। कम्पनीको २५ करोड ४८ लाख ३९ हजार ५ सय ६४ रूपैयाँको कारोबार भएको छ। नेशनल हाइड्रो पावरको २२ करोड ४० लाख रूपैयाँ बराबरको कारोबार भएको छ। 

आइएमई जनरल इन्स्योरेन्स कम्पनीको पनि १९ करोड ८१ लाख बराबरको कारोबार भएको छ। त्यस्तै अरुण भ्याली १६ करोड २६ लाख रूपैयाँ कारोबार हुँदा नेपाल लाइफ इस्योरेन्सको १५ करोड ७१ लाख रूपैयाँको कारोबार भएको छ। 

यो साता नेप्से परिसूचकमात्रै नभएर कारोबार रकम समेत सुस्ताएको छ। बिहीबार ११.९६ अंकले घटेर २८०१.५६ बिन्दुमा झरेको छ। बिहीबार कारोबार रकमसमेत घटेको छ। ६९ लाख ५० हजार कित्ता सेयर किनबेच हुँदा ३ अर्ब ८२ करोड ९५ लाख रूपैयाँको कारोबार भएको छ। 

यो साता समग्रमा बजार ७५.२५ अंकले घटेको छ। यो साता आइतबार ४०.५७ अंकले गिरावट आएको बजार सोमबार थामिएर १५.६९ अंकले बढेर २८५१.८६ बिन्दुमा पुगेको थियो। तर पुनः मंगलबार बजार १६.३० अंकले घटेर २८३५.५८ बिन्दुमा पुगेको थियो। यस्तै बुधबार नेप्से २२.११ अंकले घटेर २८३१.४७ बिन्दुमा रोकिएको थियो।