काठमाडौं- संघीय राजधानीको प्रदेशविन्दु नागढुंगा-नौबिसे सडक आजदेखि हरेक दिन दिउँसो साढे चार घण्टा बन्द हुने भएको छ।

नारायणगढ-मुग्लिन सडक योजना (पूर्वी खण्ड) ले शनिबारदेखि जेठ २५ गतेसम्म बिहान साढे १० बजेदेखि अपाह्न साढे तीन बजेसम्म उक्त सडक बन्द गरेर काम थालेको जनाएको छ।

काठमाडौंका प्रमुख जिल्ला अधिकारी ऋषिराम तिवारीले काठमाडौं र धादिङ जिल्ला प्रशासनसँगको समन्वयमा उक्त निर्णय भएको जानकारी दिए। आयोजनाले नागढुंगा-पिपलामोड खण्ड निर्माणका लागि सडक बन्द गर्नुपरेको बताएको छ।

नारायणगढ-मुग्लिन सडक योजना (पूर्वी खण्ड) ले काठमाडौंबाट जाने सवारीसाधन नागढुंगामा र नौबिसेतर्फबाट काठमाडौं आउने सवारीसाधन खानीखोलामा रोकिने जनाएको छ। प्रहरीले विकल्पमा धार्के­-सीतापाइला तथा टोखा­-छहरे­-त्रिशूली­गल्छी सडक प्रयोग गर्न अनुरोध गरेको छ। रासस