काठमाडौं- उपप्रधानमन्त्री एवं अर्थमन्त्री विष्णुप्रसाद पौडेलले आर्थिक वर्ष २०८२/८३ को बजेटसम्बन्धमा राष्ट्रिय योजना आयोगका उपाध्यक्ष र नेपाल राष्ट्र बैंकका गभर्नरसँग परामर्श गरेका छन्। 

अर्थ मन्त्रालयमा अर्थमन्त्री पौडेलले राष्ट्रिय योजना आयोगका उपाध्यक्ष प्रा‍. डा. शिवराज अधिकारी र राष्ट्र बैंकका गभर्नर डा. विश्व पौडेलसँग परामर्श गरेकाे मन्त्रीकाे निजी सचिवालयले जानकारी दिएकाे छ।

वित्तीय नीति, राजस्व परिचालन, पूँजीगत खर्च वृद्धि, आयोजना व्यवस्थापन, निजी क्षेत्रको लगानी प्रबर्धन लगायतका विषयमा परामर्श भएको छ।

आर्थिक वर्ष २०८२/८३ को बजेट जेठ १५ गते संघीय संसदको राष्ट्रिय र प्रतिनिधि दुवै सभाको संयुक्त बैठकमा अर्थमन्त्री पौडेलले बजेट भाषण गर्नेछन्।