काठमाडौं- नेपाल राष्ट्र बैंकले विदेशबाट दर्जनौँ वस्तुलाई शतप्रतिशत मार्जिन राख्नुपर्ने व्यवस्था गरेको छ। विदेशी मुद्रा सञ्चितिमा समस्या हुन थालेपछि अत्यावश्यकबाहेकका वस्तु आयातमा कडाइ गरेको हो।

यसअघि बैंकहरूले आयातमा ७० प्रतिशतसम्म लगानी गर्ने गरेका थिए। राष्ट्र बैंकले बुधबार सर्कुलर जारी गर्दै शतप्रतिशत रकम आयातकर्ताले नगद तिरेरमात्रै ल्याउन पाउने व्यवस्था गरेको छ। 

चिनीजन्य पदार्थ, सूर्तीजन्य तथा पेय पदार्थ, रक्सी, खाद्यान्य, आलु, प्योकेटिङ मासु, चकलेट, काठजन्य वस्तुमा समेत शतप्रतिशत मार्जिनको व्यवस्था गरेको छ। 

यसअघि कात्तिकमा नेपाल राष्ट्र बैंकले मरिच, केराउ र सुपारी आयात पूर्णरुपमा बन्द गरेको थियो। त्यसअघि विदेशी मुद्रा सञ्चितिमा चाप परेपछि राष्ट्र बैंकले १७ असोजमा यस्ता सामानहहरू आयात गर्न विदेशी मुद्रा सटही नगर्ने गरी बैंक तथा वित्तीय संस्थाहरूलाई परिपत्र गरेको थियो।