 (2).gif)
काठमाडौं- सरकारले दार्चुलाको व्यासमा हेलिकप्टरबाट खाद्यबस्तु ढुवानी गर्ने भएको छ। खाद्य व्यवस्था तथा व्यापार कम्पनीले दार्चुलाको व्यास गाउँपालिका वडा नम्बर १, २, ३ र ४ सम्म हेलिकप्टरबाट सामान ढुवानी गर्न लागेको हो।
६ हजार क्वीण्टल खाद्यबस्तु ढुवानीका लागि कम्पनीले टेन्डर सूचना गरेको छ। कम्पनीले स्थायी लेखा नम्बर वा भ्याटमा दर्ता भएको हेलिकप्टर तथा कार्गो कम्पनीले टेन्डरमा सहभागी हुने पाउने गरी टेन्डर आह्वान गरेको हो।
कम्पनीले धनगढीबाट दार्चुला सदरमुकामसम्म ट्रक र सदरमुकामबाट व्यास १, २, ३ र ४ मा हेलिकप्टरबाट सामान ढुवानीका लागि भन्दै टेन्डर गरेको हो। भदौ २७ आइतबार टेन्डर डकुमेन्ट खरिद हुने र २८ गते सोमबार (आजै) टेन्डर दाखिला हुने कम्पनीले जनाएको छ।
