 (2).gif)
काठमाडौं- संस्कृति, पर्यटन तथा नागरिक उड्डयन मन्त्रालयले क्यासिनो सञ्चालनको लाइसेन्स लिन चाहिने पुँजी रकम चार गुणा बढाउने तयारी गरेको छ।
मन्त्रालयको निर्देशनमा पर्यटन विभमगले म्क्सिनो नियमावली २०७० को पाँचौँ संशोधन गर्दै क्यासिनो सञ्चालन गर्ने कम्पनीको चुक्ता पुँजी बढाउने तयारी गरेको हो। विभागले क्यासिनो नियमावी २०७० लाई संशोधन गर्दै पाँच तारे होटलमा क्यासिनो सञ्चालनका लागि लाइसेन्स लिन एक अर्ब र मिनिक्यासिनो सञ्चालनका लागि ५० करोड रूपैयाँ चुक्ता पुँजी पुराउने गरी तयारी भएको जनाएको छ।
क्यासिनो नियमावली २०७० को नियम ६ मा अहिले क्यासिनो सञ्चालनका लागि २५ करोड रूपैयाँ चुक्ता पुँजी हुनुपर्ने भए पनि आधुनिक मेसिन तथा उपकरणको माध्यमबाट खेलाइने खेलको हकमा १५ करोड रूपैयाँ चुक्ता पुँजी हुने पर्ने व्यवस्था छ।
यसलाई संशोधन गर्दै क्यासिनो सञ्चालनका लागि एक अर्ब र आधुनिक मेसिन तथा उपकरणको माध्यमबाट खेलाइने खेलको हकमा ५० करोड चुक्ता पुँजी हुनपर्ने व्यवस्था गर्न लागिएको हो।
