आइतबार, वैशाख २८ गते २०८२    
आइतबार, वैशाख २८ २०८२
images
images

चौतारा र घैँटोमा पानी राख्ने चलन हराउँदै

images
सोमबार, वैशाख २२ २०८२
images
चौतारा र घैँटोमा पानी राख्ने चलन हराउँदै

पछिल्लो समय त्यस्ता संरचना निर्माण हुनै छाडे। निर्माण भएकासमेत संरक्षण नगर्दा भत्किएर लोप भएका छन्।

images
images

लमजुङ- यहाँका पहाडी गाउँगाउँमा केही वर्षअघिसम्म बाटैभरी पाटी पौवा र धर्मशाला भेटिन्थे। स्वर्गीय आफन्तका स्मृतिमा बटुवाले थकाइ मार्ने देउराली डाँडा, रुखका छहारीमा पौवा र धर्मशाला बनाउने चलन थियो। यसरी चौतारा निर्माण गर्दा, विशेष गरी चैत-बैशाखमा घैँटोमा खुदोपानी तथा पानी राख्दा धर्म हुने विश्वास थियो।

images
images
images

तर अब ती इतिहास भइसके। कहीँकतै भग्नावशेष मात्रै देख्न पाइन्छन्। पछिल्लो समय त्यस्ता संरचना निर्माण हुनै छाडे। निर्माण भएकासमेत संरक्षण नगर्दा भत्किएर लोप भएका छन्। सडक विस्तारसँगै ऐतिहासिक महत्वका पाटी, पौवा तथा धर्मशाला लोप भएका हुन्।

images
images

दोर्दी गाउँपालिका-३ श्रीमञ्जाङका ८२ वर्षीय बुद्धिमान श्रेष्ठले भने, 'केही वर्षअघिसम्म गाउँमा मोटरबाटो थिएन, घरघरमा सबै मान्छे हुन्थे, धर्मकर्ममा बढी आस्था राख्ने चलन थियो, तर अहिले गाउँगाउँमा मोटरबाटो आयो, पहिला मेलापात होस वा कतै जाँदा प्रयोग हुने बाटो प्रयोग हुन छाडे। नयाँ पुस्ताले त्यस्ता कुराको वास्ता नराख्दा यस्ता चौतारा र घैँटोमा पानी राख्ने चलन लोप भयो।'

images
images

चैत-बैशाखको गर्मीमा प्यास लाग्दा चौतारामा धर्म हुन्छ, बटुवाले खाओस् भनेर घैँटोमा सक्नेले महखुदो नसक्नले पानी राख्ने चलन अब नरहेको राइनास नगरपालिका-८ हर्राबोटकी युनिता गुरुङ बताउँछिन्।

मर्स्याङ्दी गाउँपालिका-३ खुदीका रामबहादुर कार्कीले भने, 'चौतारीमा घैँटामा राखिएको पानी गोठाला, बटुवा, खेताला, भरियाले पिउने गर्थे, तर अहिले गाउँघरमै बैशाखमा चौतारीमा ‘धर्मघडा’ राख्ने चलन हरायो।' भएका चौतारीको पनि संरक्षण हुन छाडेको उनी बताउँछिन्।

परम्पगत चलन संरक्षण गर्न बेँसीसहर नगरपालिका-११, चिती तिलहारका ऋषिराज दवाडी र पत्नी सुमित्रा दवाडीले चौतारोमा माटोको घैँटोमा चिसो पानी राखेका छन्। संस्कृति जोगाउन र नयाँ पुस्तालाई सिकाउन चौतारीमा पानी राख्ने गरेको दवाडीको भनाइ छ। रासस


प्रकाशित : सोमबार, वैशाख २२ २०८२१०:४९

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend