काठमाडौं- वर्षेनी करोडौंको कारोबार गर्ने सुर्य मेटल इन्डष्ट्रिजले बिलबिजक बिना कारोकार गरेको खुलेको छ। 

धराको यो कम्पनीले कर छल्ने नियतबाट गैरकर बिलबाट कारोबार गर्ने गरेको राजस्व अनुन्धान विभागको अनुसन्धानबाट देखिएको छ। 

यो कम्पनीले ८  करोड ५३ लाख २० हजार २०३ रुपैयाँ मूल्य अभिवृद्धि कर छली गरेको र ३ करोड ६६ लाख २० हजार ४४० रुपैयाँ आयकर छली गरेको विभाको अनुसन्धानले देखाएको छ। 

बिल बिना कारोबार गरी कूल १२ करोड १९ लाख ४० हजार ६४३ रुपैयाँ कर छली गरेर ऐन विपरीत कार्य गरेको भन्दै चार जना सञ्चालक विरुद्ध विभागले मुद्दा दर्ता गराएको छ। 

विभागले उद्योगका सञ्चालकहरु धरानका  उत्तम कुमार ताम्राकार, चन्द्रेशवरी ताम्राकार, अनुप ताम्राकार र  निर्मल कुमार ताम्राकार विरुद्ध उच्च अदालत विराटनगरमा मुद्दा दर्ता गराएको छ। 

विगो, जरिबाना र सजाय माग गर्दै विभागले कम्पनी र सञ्चलाकहरु विरुद्ध मुद्दा दर्ता गराएको हो।