काठमाडौं- समृद्धि फाइनान्स कम्पनी लिमिटेडले फागुन ८ गते आइतबारदेखि हकप्रद सेयर निष्काशन खुला गर्ने भएको छ। कम्पनीले २ः१ अनुपातमा १०० रुपैयाँ अंकित दरमा कुल २७ करोड २९ लाख ७० हजार ५०० रूपैयाँ बराबरको २७ लाख २९ हजार ७०५ कित्ता हकप्रद सेयर निष्काशन गर्न लागेको हो।
हकप्रद सेयर निष्काशन गर्नका लागि कम्पनीले पुस ११ गते बुक क्लोज गरिसकेको छ। तसर्थ, पुस १० गतेसम्म कायम सेयरधनीले हकप्रद सेयरमा आवेदन दिन सक्नेछन्।
उक्त हकप्रद सेयरमा फागुन २९ गतेसम्म आवेदन दिन सक्नेछन्। कम्पनीको उक्त हकप्रद सेयर निष्काशन तथा बिक्री प्रबन्धकमा बीओके क्यापिटल लिमिटेड रहेको छ।
