-min.gif)
काठमाडौं- प्रहरीले वैदेशिक रोजगारीका लागि सर्बिया पठाइदिने भन्दै ३२ लाख रूपैयाँ ठगी गरेको अभियोगमा पक्राउ गरी एक जनालाई सार्वजनिक गरेको छ।
कागेश्वरी मनोहरा नगरपालिका-४ बस्ने भक्तपुरको भक्तपुर नगरपालिका-५ घर भएका २८ वर्षीय सुरेश माकलाई ठगी गरेको अभियोगमा पक्राउ गरिएको काठमाडौं उपत्यका अपराध अनुसन्धान कार्यालयका प्रहरी उपरीक्षक अंगुर जिसीले जानकारी दिए।
.gif)
उनले भने, 'सुरेशले सर्बिया पठाइदिने भन्छु भन्दै पाँचजना पीडितहरूबाट ३२ लाख लिइ सम्पर्कविहीन भएको भन्ने पीडितको उजुरीका आधारमा काठमाडौंको बौद्धबाट पक्राउ गरिएको हो।'
.gif)
.jpg)
पक्राउ परेका सुरेशलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल पठाइएको जिसीले बताए। रासस
