काठमाडौं- हकप्रद दिन लागेको शिखर इन्स्योरेन्सको सेयर मूल्य समायोजन भएको छ। कम्पनीको ३० प्रतिशत हकप्रदमा मूल्य समायोजन गराएको हो।

कम्पनीले लाभांश पनि केही समयभित्रै घोषणा गर्न लागेको छ। समायोजन मूल्यमा सेयर किन्नेले सस्तो मूल्यमा सेयर किनेर पनि लाभांश पाउने छन्। 

समायोजनपछि कम्पनीको सेयर मूल्य प्रति कित्ता १५५०.७७ रूपैयाँ रहेको छ। समायोजन अघि कम्पनीको सेयर मूल्य प्रतिकित्ता १९८६ रहेको थियो।

कम्पनीले  कम्पनीले हकप्रद निष्काशनको लागि आज माघ २१ गते बुक क्लोज गर्ने निर्णय गरेकोले आज नै मूल्य समायोजन भएको हो। माघ २१ गते बुक क्लोज गर्ने निर्णय गरेकोले माघ २० गते कायम सेयरधनीले मात्र हकप्रद सेयरमा आवेदन दिन सक्ने छन्।  

कम्पनीले  १०ः३ को अनुपातमा ३० प्रतिशतले हुन आउने  ५२ करोड ७५ लाख ५७ हजार २ सय रूपैयाँ बराबरको ५२ लाख ७५ हजार ५ सय ७२ कित्ता हकप्रद सेयर निष्काशन गर्न लागेको हो।

कम्पनीले हकप्रद सेयर निष्काशन गर्नका लागि एनआईबिएल एस क्यापिटललाई धितोपत्र निष्काशन तथा बिक्री प्रबन्धक नियुक्त गरेको छ।