काठमाडौं- नेपाल प्रहरीको ३१औँ प्रहरी महानिरीक्षक (आईजीपी)मा दीपक थापा नियुक्त भएका छन्। सोमबार बसेको मन्त्रिपरिषद्को बैंठकले एआईजी थापालाई बढुवा गर्दै प्रहरी महानिरीक्षकमा नियुक्त गरेको हो।

आईजीपी नियुक्तिसँगै प्रहरीको केन्द्रीय अनुसन्धान ब्युरो (सीआईबी)मा कार्यरत थापाले मंगलबारदेखि प्रहरीको कमान्ड सम्हाल्ने छन्। 

आईजीपी वसन्तबहादुर कुँवरले प्रहरीको ३० वर्षे सेवा अवधिका कारण आज सोमबार रातिबाट अवकाश पाउने भएपछि थापा प्रहरीको ३१औँ आईजीपी बनेका हुन्।

उनीसँगै प्रहरी प्रमुख बन्नका लागि एआईजी टेकबहादुर तामाङ र सुदीप गिरी प्रतिस्पर्धामा थिए।

थापाले २०५२ भदौ १९ गतेदेखि प्रहरी निरीक्षकबाट सेवा सुरु गरेका थिए। प्रहरीको ३० वर्षे सेवा अवधि नहटे थापाले आगामी भदौमै अवकाश पाउनेछन्।