सोमबार, चैत ४ गते २०८१    
सोमबार, चैत ४ २०८१
images
images

पूर्वाधार निर्माण, रोजगारी सिर्जनामा तीनै तहका सरकार र निजी क्षेत्रबीच सहकार्य जरुरी छ : चन्द्र ढकाल

images
सोमबार, चैत ४ २०८१
images
images
पूर्वाधार निर्माण, रोजगारी सिर्जनामा तीनै तहका सरकार र निजी क्षेत्रबीच सहकार्य जरुरी छ : चन्द्र ढकाल

नेपाल उद्योग वाणिज्य महासंघका अध्यक्ष चन्द्र ढकालले निजी क्षेत्रलाई अख्तियार दुरुपयोग अनुसन्धान आयोगले हस्तक्षेप गर्ने गरी कानून आउने हल्लाले एक किसिमको त्रास सिर्जना गरेको थियो भन्दै उद्योग वाणिज्य महासंघको प्रयासमा अहिले त्यो अवस्था समाधान भएको उल्लेख गरे।

images
images

ललितपुर- नेपाल उद्योग वाणिज्य महासंघका अध्यक्ष चन्द्रप्रसाद ढकालले तीनै तहका सरकार र निजी क्षेत्रबीच सहकार्य जरुरी रहेकामा जोड दिएका छन्। 

images
images

ललितपुर उद्योग वाणिज्य संघको आजा आयोजित ५८औँ स्थापना दिवसका अवसरमा उनले केन्द्रीय सरकारले सहकार्य र सहजीकरणका माध्यमबाट कानूनी समस्या समाधान गर्दै लगानीमैत्री वातावरण तयार गरेको बताए। उनले सहकार्यका माध्यमबाट समृद्धि हासिलमा लाग्नुपर्नेमा जोड दिए। 

images
images

'रोजगारी सिर्जना, पूर्वाधार निर्माणको काम निजी क्षेत्रको हो, यसका लागि स्थानीय सरकार र निजी क्षेत्रबीच सहकार्य अनिवार्य छ, ललितपुर महानगरले निजी क्षेत्रलाई गरेको प्रोत्साहन सराहनीय छ, प्रदेश सरकारसँग पनि सहकार्य गरेका छौँ', अध्यक्ष ढकालले भने।

images
images

उनले निजी क्षेत्रलाई अख्तियार दुरुपयोग अनुसन्धान आयोगले हस्तक्षेप गर्ने गरी कानून आउने हल्लाले एक किसिमको त्रास सिर्जना गरेको थियो भन्दै उद्योग वाणिज्य महासंघको प्रयासमा अहिले त्यो अवस्था समाधान भएको उल्लेख गरे।

'अहिले एउटा वातावरण तयार भएको छ, सरकारले कानून परिवर्तन गरेर निजी क्षेत्रलाई प्रोत्साहन गरेको छ, अब कार्यविधि र नियमावली सही रुपमा छिटो भयो भने धेरै परिवर्तन हुन्छ, हामीसँग धेरै सम्भावना छन्, सूचना प्रविधिको क्षेत्रमा सम्भावना छ, पैसाको कारणबाट काम गर्न नसक्ने अवस्था हुँदैन', उनले भने। उनले सकरात्मक सोचका साथ काम गरेर पुँजी परिचालन गर्दै विकास र समृद्धि हासिल गर्न सकिने धारणा राखे। 

ललितपुर महानगरका प्रमुख चिरीबाबु महर्जनले निजी क्षेत्र र सरकारबीचको सहकार्यलाई प्रभावकारी बनाउन आफू तत्पर रहेको बताए। 'हामी उद्योग वाणिज्य महासंघ र उद्योगी व्यवसायीबीच सहकार्य गर्न तत्पर छौँ, उद्योग वाणिज्य महासंघबाट बजेट निर्माणका समयमा छफलमा सहभागी हुनुहोस्, सँगै मिलेर काम गर्न जरुरी छ', उनले भने।

नेपाल उद्योग वाणिज्य महासंघका वरिष्ठ उपाध्यक्ष अञ्जनकुमार श्रेष्ठले ललितपुर उद्योग वाणिज्य संघबाट नेपाल उद्योग वाणिज्य महासंघमा सबै कार्यकालमा सक्रिय प्रतिनिधित्व रहेको बताउँदै ललितपुरको आर्थिक सामाजिक विकासमा मिलेर काम गर्न तत्पर रहेको धारणा राखे।

ललितपुर उद्योग वाणिज्य संघका अध्यक्ष विश्वराज बज्राचार्यले ललितपुरमा विदेशी लगानी भित्र्याउन अन्तर्राष्ट्रिय लगानी सम्मेलन गर्ने तयारी गरिरहेको बताए। उनले ललितपुर उद्योग वाणिज्य संघको एप बनाउने तयारीमा रहेको जानकारी गराउँदै अर्थतन्त्रलाई चलायमान बनाउन ललितपुर महोत्सव गर्ने तयारी गरिरहेको पनि जानकारी दिए।

कार्यक्रममा भाषा, साहित्य, कला, संस्कृति संरक्षण एवं संवर्द्धन योगदान पुर्‍याउने संस्कृतिविद् छत्रबहादुर कायस्थलाई २५ हजार रूपैयाँ र सम्मानपत्रसहित सम्मान गरिएको छ। विसं २०२३ चैत ४ गते स्थापना भएको ललितपुर उद्योग वाणिज्य संघले ५८औँ स्थापना दिवसका अवसरमा पूर्वअध्यक्ष, पूर्वपदाधिकारीलगायतलाई सम्मान गरेको हो। रासस


प्रकाशित : सोमबार, चैत ४ २०८११४:१५

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend