काठमाडौं- ललितपुर महानगरपालिकाले ६ सय ६९ वटा स्मार्ट बत्ती सडकमा जडान गरेको छ।
महानगर क्षेत्रलाई सुरक्षित बनाउनका लागि सीसीटीभी राख्ने योजनामा रहेको महानगरले त्यस पहिले रुट निर्धारण गरेर सडकमा बत्ती जडान गर्ने कार्यलाई तीव्रता दिएको हो।
महानगरपालिकाका अनुसार बागमती पुलबाट जावलाखेल–लगनखेल हुँदै सातदोबाटोसम्म, हिमालय होटल, पाटन ढोका, अशोक हल, क्वाल्खु हुँदै मंगलबजार–लगनखेलसम्म, पुल्चोकबाट मंगलबजार हुँदै ग्वार्कोसम्म ६ सय ६९ वटा स्मार्ट सडक बत्ती जडान गरिएको छ।
महानगरिले स्मार्ट बत्तीसँगै सीसीटीभी क्यामेरा पनि जडान गर्ने योजना बनाएको छ।
रिङरोड बाहिर खोकना, बङमती, हरिसिद्धी , सुनाकोठी, धापाखेलमा स्मार्ट सडक बत्ती जडानको काम छिट्टै सुरु हुने सुरु छिट्टै हुने महानगरले जानकारी दिएको छ।