काठमाडौं- काठमाडौं महानगरपालिकाले महानगरभित्र गरिब पहिचान गर्न २ सय ३१ जना कर्मचारी माग गरेको छ। महानगरले २१ जना सुपरिवेक्षक र २ सय १० जना गणक मागेको हो।
इच्छुक व्यक्तिले ७ दिनभित्र आवेदन दिनसक्ने गरि महानगरले मंगलबार सूचना निकालेको छ। स्नातक अध्ययन गरि कम्प्युटरसम्बन्धि ज्ञान भएको, १८ वर्षदेखि ४० वर्षसम्मका व्यक्तिले आवेदन दिन सक्ने छन्।
यसमा काठमाडौं महानगरपालिकाका स्थायी बासिन्दालाई प्राथमिकता दिने महानगरले जनाएको छ। महानगरले आफ्नो सीमामा रहेका गरिबको पहिचान गरि परिचयपत्र वितरण गर्ने योजना बनाएको छ।
