काठमाडौं- टाटा मोटर्सको अन्तर्राष्ट्रिय व्यवसाय नेटवर्कलाई जोड्ने 'टाटा मोटर्स वन वर्ल्ड २०२४' कार्यक्रममा सिप्रदी ट्रेडिङ प्रालिले ७ उत्कृष्ट अवार्ड जित्न सफल भएको छ।

साथै, सिप्रदीले उक्त कार्यक्रममा 'पायोनियरिङ ईभी एक्सपान्सन' का लागि विशेष कदरपत्र समेत प्राप्त गरेको जनाएको छ। 

सिप्रदीले नेपाललाई सबै प्रमुख सेग्मेन्टहरूमा सबैभन्दा उच्च बजार हिस्सा दिलाउँदै निरन्तर उत्कृष्ट प्रदर्शन गरिरहेको छ। यसले नेपाललाई कमर्सियल सवारीसाधन क्षेत्रमा अग्रणी स्थानमा स्थापित गर्न महत्त्वपूर्ण भूमिका खेलेको सिप्रदीको भनाइ छ।

यो उपलब्धि ग्राहकहरूको विश्वास, टीमको निरन्तर मेहनत, र टाटा मोटर्सका विश्वसनीय उत्पादनको प्रतिफल रहेको कम्पनीले जनाएको छ। सबै प्रमुख सेग्मेन्टमा उत्कृष्ट प्रदर्शन गर्दै सिप्रदीले बजारमा आफ्नो बलियो उपस्थिति कायम राख्दै आएको छ।

सिप्रदी ट्रेडिङ प्रालिका प्रमुख कार्यकारी अधिकृत राजन बाबु श्रेष्ठले भने, 'हामी हाम्रा ग्राहकहरूलाई उच्च गुणस्तरीय सेवा र सुलभ सवारीसाधन प्रदान गर्न सधैँ प्रतिबद्ध छौँ। यी पुरस्कारहरूले हाम्रो टीमको मेहनतलाई सम्मान गर्दै, ग्राहकहरूलाई अझ उत्कृष्ट अनुभव प्रदान गर्ने प्रेरणा दिएको छ।'