काठमाडौं- हायरपर्चेज कर्जा दिने अनुमति पाएका कम्पनीहरूले ऋण दिँदा धितोको ८० प्रतिशतसम्म मात्र ऋण दिन पाउने भएका छन्।
नेपाल राष्ट्र बैंकले हायर पर्चेज कर्जा दिने कम्पनीहरूलाई स्वीकृति दिने नीतिगत एवम् प्रक्रियागत व्यवस्था २०७० मा संसोधन गर्दै यस्तो व्यवस्था गरेको हो।
कुनै पनि व्यक्तिले व्यावसायिक वा व्यक्तिगत प्रायोजनका लागि सवारीसाधन, यन्त्र उपकरण खरिद गरी किस्ताबन्दीमा भुक्तानी गरेपछि स्वामित्व हस्तान्तरण हुनेगरि खरिद गर्दा यस्ता कम्पनीहरूले ऋण प्रदान गर्दै आएका छन्।
अबदेखि यस्ता कम्पनीले यस्तो ऋण दिँदा धितोको ८० प्रतिशतसम्म मात्र ऋण दिन पाउने छन्।
त्यस्तै यसरी दिइएको ऋण तथा संस्थाले लिएको ऋणको ब्याजदरबीचको अन्तर ४ प्रतिशतभन्दा फरक हुन नपर्ने व्यवस्था गरिएको छ।
संसोधनमार्फत यस्तो ऋण दिने कम्पनीहरूको चुक्ता पुँजी ३० करोड हुनुपर्ने व्यवस्था गरेको छ।
