काठमाडौं- उतारचढावबीच लामाे समयपछि आइतबार उच्च अंकले बढेको सेयर बजार सोमबार पनि उकालोतिरै लागेको छ। सोमबार २.४१ अंकले बढेर बजार २७३०.०० बिन्दुमा पुगेको छ।

९७ वटा कम्पनीको सेयर मूल्य बढ्दा बजारमा ११ अर्ब ८७ करोड ५९ लाख रूपैयाँको कारोबार भएको छ। आज १ सय ३७ वटा कम्पनीको सेयर मूल्य घटेको छ भने ८ वटा कम्पनीको सेयर मूल्यमा परिवर्तन आएको छैन।

आइतबार ६९.८० अंकले बढेर बजार २७२७.५८ बिन्दुमा पुग्दा १२ अर्ब ९५ करोड ५७ लाख रूपैयाँको कारोबार भएको थियो।

पछिल्लो समय बजारले २६०० बाट पनि तल नजाने र २८०० को बिन्दुबाट पनि माथि नजाने ट्रेण्ड लगातार समातिरहेको छ।

बजारको अहिलेको अवस्थामा लगानीकर्ता पर्ख र हेरकै सोचमा देखिन्छन्। बजारले उचाइ लिनसक्ने अवस्था रहे पनि लगानीकर्तामा विश्वास नदेखिँदा उतारचढावको अवस्थामा रहेको विश्लेषकहरू बताउँछन्। बजार लामो समयदेखि उही बिन्दु वरपर तलमाथि भइरहेको छ।