काठमाडौं- नेपाल आयल निगमले इन्धनको मूल्य बढाएको छ। शुक्रबार रातीदेखि लागु हुनेगरी डिजेल, पेट्रोल, हवाई इन्धन तथा मट्टितेको मूल्य बढेको हो।

भारतीय आयल निगमले पठाएको नयाँ मूल्य सूचीअनुसार इन्धनको मूल्य बढेको नेपाल आयल निगमले जनाएको छ।

निगमले शुक्रबार रातीदेखि लागु हुनेगरी पेट्रोलमा २ रुपैयाँ, डिजेल र मट्टितेलमा ४/४ रुपैयाँ मूल्य बढाएको छ । 

नयाँ मूल्यअनुसार अब पेट्रोलको मूल्य प्रतिलिटर १ सय ६७ रुपैयाँ पुगेको छ। त्यस्तै डिजेल र मट्टितेल प्रतिलिटर १६०/१६० रुपैयाँ कायम भएको छ।

त्यस्तै हवाई इन्धन आन्तरिकतर्फ प्रतिलिटर ६ रुपैयाँ बढेको छ। हवाई इन्धन अन्तर्राष्ट्रियतर्फ काठमाडौंका लागि प्रतिकिलोलिटर ४३ अमेरिकी डलरले बढाइएको छ।

यसअघि निगमले माघ २ गते पेट्रोलमा २ रुपैयाँ र डिजेल/मट्टितेलमा ३/३ रुपैयाँ बढाएको थियो।