काठमाडौं- नेपाल इन्भेष्टमेन्ट बैंकसँग मर्ज भाँडेको हिमालयन बैंकले खुद नाफा बढाएको छ। बुधबार पुस मसान्तसम्मकोे वित्तीय विवरण सार्वजनिक गर्दै बैंकले नाफा ६५ करोड ३२ लाखबाट ७४ करोड ३४ लाख रूपैयाँ भएको जनाएको छ।
इन्भेष्टमेन्ट बैंकसँग मर्ज भाँडिएपछि सिभिल, सेञ्चुरी र माछापुछ्रे बैंकसँग मर्जका लागि छलफल गरिरहेको बैंकको सूचकहरुमा सुधार देखिएको छ।
बैंकले खुद ब्याज आम्दानीमा पनि सुधार गरेको छ। बैंकले १ अर्ब ७५ करोड रूपैयाँको खुद ब्याज आम्दानीलाई १ अर्ब ९१ करोड रूपैयाँ पुर्याएको हो।
बैंकको स्प्रेड दर घटेको बाबजुत पनि आम्दानीमा सुधार देखिएको छ। पोहोर पुसमा बैंकको स्प्रेड ३.७६ प्रतिशत थियो। अहिले घटेर यो २.२७ प्रतिशतमा आईसकेको छ। बैंकको आधार दर बढेको छ।
६.८३ प्रतिशतको आधार दर ८.७५ प्रतिशतमा उक्लिएको छ। बैंकको ऋण लगानी १२६ अर्बबाट बढेर १५० अर्ब नाघेको छ। निक्षेप पनि १४१ अर्बबाट बढेर १६५ अर्ब रूपैयाँ पुगेको छ।
