काठमाडौं - काठमाडौंमा भूकम्पको धक्का महसुस भएको छ। बिहान ६ बजेर ५१ मिनेटमा भूकम्प गएको हो।

सोलुखुम्बु नेपाल-चीन सीमानजिक केन्द्रबिन्दु भएर ७.१ म्याग्निच्युटको भूकम्प गएको प्रारम्भिक अनुमान रहेको छ। विस्तृत विवरण आउन बाँकी छ।

काठमाडौंलगायत धादिङ, सिन्धुपाल्चोक, काभ्रे, मकवानपुरलगायतका जिल्लामा समेत धक्का महसुस गरिएको छ।

अमेरिकी भौगर्भिक निकाय यूएसजीएसले उक्त भूकम्प ७ दशमलव १ म्याग्निट्यूडको भएको उल्लेख गरेको छ।

यूएसजीएसका अनुसार उक्त भूकम्पको केन्द्रबिन्दु खुम्बु क्षेत्रमा अवस्थित लोबुचेभन्दा उत्तर-पूर्वमा रहेको छ।