काठमाडौं- नेपाल आयल निगमले पेट्रोल र डिजेलको मूल्य बढाउँदा हवाई इन्धनको मूल्य भने घटाएको छ।

इण्डियन आयल कर्पोरेननले पठाएको नयाँ मूल्यसूचीअनुसार निगमले मूल्य समायोजन गरेको हो।

निगमका अनुसार पेट्रोल लिटरमा १ रुपैयाँ र डिजेलमा २ रुपैयाँ मूल्य बढेको हो। नयाँ मूल्यअनुसार अब उपत्यकामा पेट्रोलको मूल्य प्रतिलिटर १ सय ६३ रुपैयाँ पुगेको छ।

यस्तै डिजेलको मूल्य प्रतिलिटर १ सय ५३ रुपैयाँ कायम भएको छ। निगमले हवाई इन्धनको मूल्य भने घटाएको छ। हवाई इन्धन आन्तरिकतर्फ प्रतिलिटर २ रुपैयाँले घटाएर प्रतिलिटर १ सय २६ रुपैयाँ कायम गरेको छ।

हवाई इन्धन अन्तर्राष्ट्रियतर्फ (काठमाडौंका लागि) प्रतिकिलोलिटर १५ डलरका दरले घटाएको निगमले जनाएको छ। नयाँ मूल्य मंगलबार राति १२ बजेपछि लागु हुनेछ।

खाना पकाउने एलपी ग्यासको मूल्य भने यथावत रहेको छ।