तुलसीपुर- दुर्घटना न्यूनीकरण गर्न पूर्व-पश्चिम राजमार्गअन्तर्गत भालुवाङ-नर्ती सडकमा समय सीमा (टाईम कार्ड) निर्धारण गरिएको छ।
आजदेखि १५ किलोमिटर क्षेत्रमा टाइम कार्ड लागु भएको हो। जिल्ला समन्वय समिति, जिल्ला प्रशासन कार्यालय दाङलगायतका सरोकारवाला कार्यालयको बैठकले यस्तो निर्णय गरेपछि आजदेखि टाइमकार्ड लागू भएको समन्वय समितिको प्रमुख अधिकारी कृष्णप्रसाद लम्सालले बताए।
उनका अनुसार प्रतिघण्टा ४० किलोमिटरको गतिमा चलाउने गरि टाइम कार्ड लागु गरिएको हो। जिल्लामा पछिल्लो समय दुर्घटनाका जोखिम बढिरहेका छन्।
.jpg)
साथै सोही सडकबीचमा पर्ने खाल्डाखुल्डी पुर्नेसमेत निर्णय भएको छ। रासस
