काठमाडौं- माछापुछ्रे बैंकलाई मर्जर प्रस्ताव गरेको सनराइज बैंकको खुद नाफा घटेको छ। चालु वर्षको ६ महिनामा सनराइज बैंकको खुद नाफा २१.४७ प्रतिशतले घटेको छ।
अघिल्लो आर्थिक वर्षको सोहि अवधिमा बैंकले ९४ करोड ९४ लाख खुद नाफा कमाएकोमा चालु आर्थिक वर्षको दोस्रो त्रैमाससम्ममा बैंकको खुद नाफा घटेर ७४ करोड ५५ लाखमा सीमित भएको हो। यस अवधिमा बैंकको खुद ब्याज आम्दानी भने ०.८० प्रतिशतले बढेर १ अर्ब ८३ करोड पुगेको छ। बैंकको बितरणयोग्य मुनाफा भने १० करोड ११ लाख रहेको छ।
समीक्षा अवधिमा बैंकको निक्षेप २१.४३ प्रतिशतले बढेर १ खर्ब २९ करोड पुगेको छ भने कर्जा प्रवाह १९.८ प्रतिशतले बढेर १ खर्ब २० अर्ब पुगेको छ। बैंकको खराब कर्जा बढेर १.४१ प्रतिशत पुगेको छ। १० अर्ब ११ करोड चुक्ता पुँजी भएको बैंकको रिजर्भमा ५ अर्ब २४ करोड रहेको छ।
यस अवधिमा बैंकको प्रति सेयर आम्दानी १४.७४ रुपैयाँ, प्रति सेयर नेटवर्थ १५१.७९ रुपैयाँ र पी रेसियो २०.३६ गुणा रहेको छ।
