काठमाडौं- बैंकिङ प्रणालीमा अधिक तरलता भएपछि नेपाल राष्ट्र बैंकले ६० अर्ब रूपैयाँ तरलता प्रशोचन गर्ने भएको छ।
पुस ७ गते राष्ट्र बैंकले प्रणालीबाट अधिक तरलता प्रशोचन गर्न लागेको हो। २१ दिनका लागि राष्ट्र बैंकले उक्त तरलता प्रशोचन गर्न लागेको हो।
हाल बैंकिङ प्रणालीमा करिब ७ खर्ब ५७ अर्ब रूपैयाँ लगानीयोग्य रकम रहेको छ। यस अवधिमा बैंकहरुले ६६ खर्ब ७१ अर्ब निक्षेप संकलन गरेर ५३ खर्ब ३६ अर्ब रूपैयाँ कर्जा लगानी गरेका छन्।
यस अवधिमा बैंक वित्तीय संस्थाहरुले ५३ खर्ब ३६ अर्ब रुपैयाँ कर्जा प्रवाह गरेका छन्। बैंकहरुको औसत कर्जा निक्षेप अनुपात ७८.६४ प्रतिशत रहेको छ। यस्तै बैंकहरुको अन्तरबैंक ब्याजदर ३ प्रतिशत नै रहेको छ।
