काठमाडौं- नेपालमा थप ६ हजार ४ सय ६२ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर परीक्षणबाट ५ हजार ५ सय ९८ र एन्टिजेन परीक्षणबाट ८ सय ६४ जनामा कोरोना संक्रमण पुष्टि भएको हो। जसमा १७ हजार ४ सय ३७ नमूनाको परीक्षण गरिएको थियो।
मन्त्रालयका अनुसार गत २४ घण्टामा १३ हजार ३ सय ७७ नमूनाको पीसीआर र ४ हजार ६० नमूनाको एन्टिजेन परीक्षण गरिएको हो। मन्त्रालयका अनुसार हाल देशभर कोरोना भाइरसका सक्रिय संक्रमितको संख्या ७७ हजार ४० पुगेको छ।
मन्त्रालयका अनुसार गत २४ घण्टामा देशभर गरी चार जना कोरोना संक्रमितको मृत्यु भएको छ। कोरोना संक्रमणबाट अहिलेसम्म मृत्यु हुनेको संख्या ११ हजार ६ सय ५५ पुगेको छ।
साथै पछिल्लो २४ घण्टामा १ हजार ४ सय १६ जना कोरोना संक्रमणमुक्त भएका छन्।
