काठमाडौं- चालु आर्थिक वर्षको दोस्रो त्रैमाससम्म आइपुग्दा मञ्जुश्री फाइनान्सको खुद नाफा घटेको छ। नेप्सेले मन्जुश्री फाइनान्सको ४० प्रतिशत बोनस सेयरको समायोजनपछि सेयर मूल्य ६७०.७१ रुपैयाँ तोकेको थियो। फाइनान्सको दोस्रो बजारमा ७७९.९० रुपैयाँमा कारोबार भइरहेको छ।

पछिल्लो ५२ हप्तामा कम्पनीको सेयर मूल्य अधिकतम १४५६ रुपैयाँ पुगेको थियो भने न्युनतम ३९२ रुपैयाँमा कारोबार भएको थियो।

गत वर्ष उच्च नाफा गरेको फाइनान्सको यस वर्ष खुद नाफा ३३.५२ प्रतिशतले घटेर ७ करोड ५३ लाख ८९ हजार रुपैयाँमा सीमित भएको छ। अघिल्लो वर्ष यसैअवधिमा यसले ११ करोड ३४ लाख २ हजार रुपैयाँ खुद नाफा कमाएको थियो। कम्पनीको खुद ब्याज आम्दानीमा समान्य सुधार आएको छ भने सञ्चालन नाफा घटेको छ।

खुद ब्याज आम्दानी २.२४ प्रतिशतले बढेर १९ करोड ७७ लाख २६ हजार रुपैयाँ पुगेको छ। अघिल्लो वर्ष यसले १९ करोड ३३ लाख ८७ हजार रुपैयाँ खुद ब्याज आम्दान कमाएको थियो। यो वर्ष फाइनान्सको सञ्चालन नाफा ३०.८६ प्रतिशतले घटेर १० करोड ७६ लाख ९८ हजार रुपैयाँमा सीमित भएको छ।

पुस मसान्तसम्म आइपुग्दा प्रतिसेयर आम्दानी १२ रुपैयाँ ३३ पैसाले घटेर ११ रुपैयाँ १६ पैसामा सीमित भएको छ। अघिल्लो वर्ष यसको प्रतिसेयर आम्दानी २३ रुपैयाँ ४९ पैसा थियो भने प्रतिसेयर नेटवर्थ १३१ रुपैयाँ छ।