काठमाडौं- चालु  आर्थिक वर्षको चार महिनामा ५ खर्ब २१ अर्ब रेमिट्यान्स देशमा भित्रिएको छ। नेपाल राष्ट्र बैंकको तथ्यांक अनुसार यो गत वर्षको तुलनामा ९.१ प्रतिशतले बढी हो। 

अमेरिकी डलरमा भने रेमिट्यान्स ३ अर्ब ८७ करोड भित्रिएको छ। जुन गत वर्षको तुलनामा २७ करोडमात्र धेरै हो। 

महिनागत रुपमा पछिल्ला १० महिनाकै न्यून रेमिट्यान्स कात्तिकमा भित्रिएको छ। कात्तिकमा १ खर्ब १४ अर्ब भित्रिएको छ। असोजमा भने रेमिट्यान्स मासिक रुपमा हालसम्मकै धेरै १ खर्ब ४४ अर्ब भित्रिएको थियो। 

यद्यपि पछिल्लो समय रेमिट्यान्समा व्यापक सुधार देखिएको छ। मासिक रुपमा १ खर्बमाथि रेमिट्यान्स भित्रिएको छ।