काठमाडौं- नेपाल प्रहरीले क्रिप्टो करेन्सी र बिट क्वाईनबाट वित्तीय कारोबार गर्ने  ३ जनालाई प्रकाउ गरेको छ।

प्रहरीले राजन भट्टराई, बिशाल श्रेष्ठ र दिपेराज श्रेष्ठले नेपाल राष्ट्र बैंकले बैंक तथा वित्तीय कारोबार गर्न जारी गरेको नियम विनियम, निर्देशन, आदेश बिपरित क्रिप्टो करेन्सी र बिट क्वाईनबाट वित्तीय कारोबार गरेको आरोपमा प्रकाउ गरेको हो।

उनीहरुलाई महानगरीय अपराध महाशाखाबाट खटिएको विशेष टोलीले काठमाडौंको मिनभवनबाट प्रकाउ गरेको हो। उनीलाई बैंक तथा वित्तीय संस्था सम्बन्धी ऐन, २०७३ बमोजिम आवश्यक कारबाहीको लागि महानगरीय प्रहरी परिसर पठाइको प्रहरीले जनाएको छ।

पक्राउ परेका व्यक्तिहरु मध्येका राजन भट्टराईले हालसम्म ९ सय ७५ जनासँग १ हजार ९ सय २६ पटक कारोबार गरेको, मंसिरदेखि पुससम्म लगभग २६ लाख रुपैयाँ कारोबार गरेको र अन्य दुई व्यक्तिहरुले समेत कारोबार गरेको देखिन आएको  प्रहरीले जनाएको छ।