शुक्रबार, जेठ ११ गते २०८१    
images
images

मध्यम मर्स्याङदीमा विद्युत उत्पादन घट्यो

images
शुक्रबार, माघ ७ २०७८
images
images
मध्यम मर्स्याङदीमा विद्युत उत्पादन घट्यो

हालसम्म ३० मेगावाट बिजुली उत्पादन घटेको आयोजनाका प्रमुख पवन बस्नेतले जानकारी दिए।

images
images

 जलविद्युत आयोजनाको ‘हब’ बन्दै गरेको लमजुङमा रहेको ७० मेगावाट क्षमताको मध्यमर्स्याङदी जलविद्युत आयोजनाको बिजुली उत्पादन घट्न थालेको छ। 

images
images
images

हिउ नपग्लिएका कारण मर्स्याङदी नदीमा पानीको बहाव कम भएको छ। योसँगै विद्युत् उत्पादन कम हुँदै जान थालेको छ। हालसम्म ३० मेगावाट बिजुली उत्पादन घटेको आयोजनाका प्रमुख पवन बस्नेतले जानकारी दिए।

images

उनले भने, 'पुस लागेसँगै आयोजनाको विद्युत् घट्दै हाल ३८ देखि ४० मेगावाटसम्म बिजुली उत्पादन हुने गरेको छ। चैत अन्तिमसम्म उत्पादन घट्दै जान्छ, बैशाख लागेपछि मात्र उत्पादन बढ्ने देखिन्छ।'   

images
images

बेसीसहर नगरपालिका १ दलालस्थित जिल्लाकै पहिलो तथा ठूलो ७० मेगावाट क्षमताको उक्त आयोजनामा विगतका वर्षमा विद्युत् उत्पादन घटेर २६ मेगावाटसम्म पुग्ने गरेको थियो। सन् २००० मा निर्माण सुरु भई सन् २००८ मा सम्पन्न भएसँगै आयोजनाबाट विद्युत् उत्पादन गरिएको हो। कुल २७ अर्ब २० करोड रुपाँयैको लागतमा आयोजना निर्माण भएको हो।  

images
images

जिल्लाका अन्य जलविद्युत् आयोजनामा समेत पानीको बहाव कम हुँदा विद्युत् उत्पादन घट्न थालेको छ। पाँच मेगावाटको सिउरी, चार दशमलव चार मेगावाटको राँधी, तीन मेगावाटको मिदिम करापु र दुई मेगावाटको छ्याङ्दीलगायत आयोजनामा बिजुली उत्पादन कम हुँदै गएको छ।  

मर्स्याङदी गाउँपालिका-६ र ७ स्थित ५० मेवागाट क्षमताको माथिल्लो मर्स्याङदी ‘ए’ जलविद्युत् आयोजनामा भने गत असारमा गएको बाढी पहिराले बाँधस्थलमा क्षति पुर्‍याएपछि विद्युत् उत्पादन बन्द छ। आयोजनाका दुईवटै टर्वाइन फेर्ने, अन्य संरचना निर्माणलगायत कार्य जारी रहेको आयोजनाले जनाएको छ। रासस


प्रकाशित : शुक्रबार, माघ ७ २०७८०८:३७

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend