काठमाडौं- एनआइएमबि एस क्यापिटल लिमिटेडले लाभांश घोषणा गरेको छ। कम्पनीले गत वर्षको नाफाबाट २५ प्रतिशत लाभांश घोषणा गरेको हो।
क्यापिटलको मंसिर १३ गते बसेको सञ्चालक समिति बैठकले २५ प्रतिशत नगद लाभांश (करसहित) दिने निर्णय गरेको हो। कम्पनीले उक्त प्रस्तावसहित पुस ५ गते साधारणसभा पनि बोलाएको छ।
एस क्यापिटलको सभाहल लाजिम्पाट काठमाडौंमा बिहान साढे ११ बजे सुरु हुने जनाइएको छ। सभामा आर्थिक वर्ष २०८०/८१ को नाफा नोक्सानसम्बन्धी हिसाबका सम्बन्धमा छलफल हुनेछ।
